UEFAning aloqalar bo'yicha departamenti boshlig'i Pedro Pinto tashkilot prezidenti Mishel Platini, FIFA prezidenti Yozef Blatterdan olingan deb gumon qilinayotgan 2 million shveytsariya franki miqdordagi to'lov borasida hech qanday tushuntirish bermasligini aytdi. «Platini hech qanday yomon ish qilmaganini va u o'zini oqlashga majbur emasligini aytdi. U bu borada aytilgan fikrlarga qo'shimcha qilmoqchi emas», – dedi Pinto. Eslatib o'tamiz, Platini 26 fevral 2016 yilgi bo'ladigan FIFA raisi lavozimiga saylovda nomzod hisoblanadi. Avvalroq, FIFAning ahloq bo'yicha Qo'mitasi tashkilot raisi Yozef Blatterni 90 kunga ishdan chetlatgan, shuningdek Platinini ham chetlatishni tavsiya qilgan. Platinini nisbatan FIFAdagi korruptsion janjalga aloqadorlikda ayblashlari mumkin.
— deya xabar beradi uff.uz nashri.