Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Oliver Kan: Menga ko'proq Inzagi tashvish tug'dirgan (InterFUTBOL blogi)
Individual sovrinlar haqida gap ketganda ko'z oldimizda sanoqli darvozabonlar gavdalanadi. Ulardan biri - Oliver Kan. To'g'ri, golkiperlar orasida «Oltin to'p»ni qo'lga kiritish faqatgina Lev Yashinga nasib etgan, ammo Der Titan jahon chempionatining eng yaxshi o'yinchisi, deb tan olingan yagona posbon sanaladi.
Chempionlar Ligasi g'olibi Yaponiya va Koreyada o'tgan 2002 yilgi jahon chempionatida termasini finalga qadar etib borishiga ko'maklashdi. Lekin braziliyaliklarni mag'lubiyatga uchratish nemislarga nasib etmadi. Kan mundialning eng yaxshi o'yinchisi sifatida tan olindi. «Afsus, o'sha finalda zafar quchishni xohlagandim», - dedi «Bavariya»ning sobiq darvozaboni.
Bundesliganing sakkiz karra chempioni keyinchalik FIFA talqinidagi jahonning eng yaxshi o'yinchisi bo'lishga yaqin keldi, biroq yakunda bu nomga Ronaldo loyiq ko'rildi. Garchi Kanning nazdida futbol jamoaviy o'yin sanalsada, o'sha nominatsiyada g'olib chiqish uning uchun o'ta muhim ahamiyat kasb etganini bildirdi. Yaqinda FIFA.com sayti vakillari ushbu darvozabondan intervyu olib, unga o'zlarini qiziqtirgan savollar bilan murojaat etishdi.
- O'tgan yili jahon chempionatidagi g'oliblikdan so'ng «Oltin to'p»ga besh nafar nemis futbolchisi da'vogarlik qilishdi. Ular orasida Manuel Noyer ham bor edi. Yakuniy natijalar sizni ranjitmadimi?
- Germaniyada Manuel Noyer va «Oltin to'p» borasida qanday gap-so'zlar urchiganidan xabarim bor. Menimcha, bu sovringa faqat boshqa amplua vakillari da'vogarlik qilishlari lozim, darvozabonlarni esa alohida taqdirlash kerak. Shundagina ortiqcha savollarga hojat qolmaydi, bu masalada tez-tez tortishuvlar uchramoqda.
- Siz ham 2002 yili shunday holatga tushgandingiz...
- «Oltin to'p»ni qo'lga kiritish haqida o'ylamaganman. Mundialning eng yaxshi o'yinchisi bo'lganimdan so'ng ushbu sovringa ham erishishim aql bovar qilmas voqeaga aylanardi.
- Nima deb o'ylaysiz, JCh-2002 finalidagi hisob yil o'yinchisini aniqlashda ahamiyat kasb etganmidi? Chempionlikni qo'lga kiritganingizda, sovringa ega chiqarmidingiz?
- Albatta, yuksak ahamiyat kasb etadi. Jahon chempionati, Evro yoki Chempionlar Ligasida chempion bo'lish - jiddiy omil. Shuningdek, urilgan gollar soni ham muhim. Shu bois, Messi va Ronaldu doimo nomzodlar qatoridan o'rin egallashadi. Bu futbolchilarning ishqibozlarga nechog'li ulkan quvonch baxsh etishayotganini unutmaslik darkor. Hattoki, men ham darvozamni qo'riqlash asnosida Zidan singari yulduzlarning o'yinidan zavq olganman. Ular shuning uchun ham sovrinlarga loyiq ko'riladilar.
- Madridda o'tgan taqdirlash marosimi nimasi bilan esda qolgan?
- Yodimda, ispaniyalik OAV vakillari «O'zingizni «Real» libosida tasavvur qila olasizmi?», deb so'rashganida, ularga «Yo'q, axir men jahonning eng yaxshi klubida o'ynayapman» qabilida javob qaytargandim. Men buni shunchaki hazil tariqasida aytgandim. Ammo ular gaplarimni noto'g'ri tushunib, meni takabbur shaxs sifatida ko'rishgandi.
- Hamisha jamoaviylikka urg'u bergansiz. Shuni inobatga olsak, shaxsiy yutuqlar siz uchun qanday ahamiyat kasb etgan?
- Agar «Manchester Yunayted», «Barselona» yoki «Bavariya» singari top klublar safida o'ynamasangiz, nufuzli sovrinlarni qo'lga kiritolmasligingiz aniq. Shunday ekan, hamisha jamoadoshlarimdan minnatdor bo'lganman. Ba'zan qiyin zarbalarni bartaraf etardim, ba'zida esa yigitlar meni qutqarishardi.
- Germaniya termasining muvaffaqiyatini odatda, butun jamoa hisobiga yozishadi. Sizningcha, mazkur holat individual sovrinlar borasida muammo tug'dirmaydimi? Axir yaxlit jamoadan muayyan bir futbolchini ajratib ko'rsatish qiyin-ku!
- Garchi nemislar ajoyib futbolchilarga ega bo'lsalarda, bizda Ronaldu va Messi yo'q. Termada individualistlar (Mario Gyottse va Mesut Ozil), aniq vazifaga ega kamtar o'yinchilar hamda etakchilar o'zaro birikib ketishadi. Bu esa Argentina singari bir futbolchi hisobiga o'yin tashkil etadigan terma jamoalarga qarshi bahslarda muhim ahamiyat kasb etdi. Germaniya termasida hech nima o'z-o'zidan paydo bo'lmaydi, qaysidir modelni yaxshi yoki yomon, deyish fikridan yiroqman. Shunchaki, hamyurtlarimiz so'nggi jahon chempionatida o'ta kuchli jamoaviylik evaziga zafar quchdilar.
- Orzular jamoasi tuzsangiz, darvozaga kimni qo'yardingiz: Manuel Noyernimi yoki Oliver Kanni?
- Qiyin savol. Ularni bir taymdan o'ynatardim. Kimnidir birinchi raqamda ko'rsatmasdim: formasi yaxshi bo'lgan maydonga tushaveradi.
- Sizga qarshi o'ynagan eng kuchli hujumchi?..
- Bu savolga javob berish ham doimo murakkablik tug'diradi. Misol uchun, o'zining jismoniy etukligi va tezligi evaziga yo'q joydan qulay vaziyat yarata oladigan Ronaldoga qarshi o'ynaganman. Shuningdek, maydonda yana bir mahoratli forvard - Terri Anriga to'qnash kelganman. Frantsiyalik hujumchi juda chiroyli o'ynab, raqib jarima maydonida o'zini har tomonlama ko'rsata bilardi. Lekin menga Filippo Inzagi ko'proq tashvish tug'dirgan. Uni payqash qiyin edi, Pipponing maydonda borligi sezilmasdi, shunga qaramay, doimo o'yin oxirida o'z nomini tabloga yozdirib qo'yardi.
- Faoliyatingizni qaytadan boshlash imkoniyati tug'ilsa, nimanidir o'zgartirarmidingiz?
- Potentsial - faoliyatimdagi asosiy omilga aylandi. Yoshligimda unchalik iqtidorli emasdim. Boshqa futbolchilar singari Germaniyaning turli yoshdagi termalarida o'ynamadim. U paytlari akademiyalar yo'q edi, mashg'ulot o'tkazishga har doim ham sharoit topilavermasdi. Shunday ekan, nimanidir o'zgartirmasdim, zero potentsialimni maksimum darajada ishga solganman. «Karlsrue»da yoshlar jamoasidan havaskorlar safiga qo'shildim, keyinchalik esa professional futbolchi sifatida o'ynadim. O'shanda klubimizning UEFA kubogi yarim finalga etib borgani mening omadim edi. Shu orqali «Bavariya» e'tiborini tortdim va sekin-asta milliy terma jamoaga jalb etildim. Faoliyatim bosqichma-bosqich rivojlandi, cho'qqini darhol zabt etmaganim o'zimning foydamga ishladi.
- Butsalaringizni mixga ilganingizdan keyin qanchalik o'zgardingiz? Avvalgidek faolmisiz, mehnatsevarligingiz saqlanib qolganmi?
- Ancha o'zgardim. Albatta, futbolchilik faoliyatimda orttirgan sifatlarim, ayniqsa, maqsad sari kurashish va tartib-intizomga rioya etish keyinchalik menga asqotdi. Avvallari ko'pincha baqirishga to'g'ri kelardi. Ilk murabbiyim Vinfrid Shafer har doim shunday derdi: «Golkiperning maydonda borligini hamma payqashi lozim, u sheriklariga baland ovozda ko'rsatma berishi kerak».
Davomi InterFUTBOL gazetasi blogida.
— deya xabar beradi uff.uz nashri.
Chempionlar Ligasi g'olibi Yaponiya va Koreyada o'tgan 2002 yilgi jahon chempionatida termasini finalga qadar etib borishiga ko'maklashdi. Lekin braziliyaliklarni mag'lubiyatga uchratish nemislarga nasib etmadi. Kan mundialning eng yaxshi o'yinchisi sifatida tan olindi. «Afsus, o'sha finalda zafar quchishni xohlagandim», - dedi «Bavariya»ning sobiq darvozaboni.
Bundesliganing sakkiz karra chempioni keyinchalik FIFA talqinidagi jahonning eng yaxshi o'yinchisi bo'lishga yaqin keldi, biroq yakunda bu nomga Ronaldo loyiq ko'rildi. Garchi Kanning nazdida futbol jamoaviy o'yin sanalsada, o'sha nominatsiyada g'olib chiqish uning uchun o'ta muhim ahamiyat kasb etganini bildirdi. Yaqinda FIFA.com sayti vakillari ushbu darvozabondan intervyu olib, unga o'zlarini qiziqtirgan savollar bilan murojaat etishdi.
- O'tgan yili jahon chempionatidagi g'oliblikdan so'ng «Oltin to'p»ga besh nafar nemis futbolchisi da'vogarlik qilishdi. Ular orasida Manuel Noyer ham bor edi. Yakuniy natijalar sizni ranjitmadimi?
- Germaniyada Manuel Noyer va «Oltin to'p» borasida qanday gap-so'zlar urchiganidan xabarim bor. Menimcha, bu sovringa faqat boshqa amplua vakillari da'vogarlik qilishlari lozim, darvozabonlarni esa alohida taqdirlash kerak. Shundagina ortiqcha savollarga hojat qolmaydi, bu masalada tez-tez tortishuvlar uchramoqda.
- Siz ham 2002 yili shunday holatga tushgandingiz...
- «Oltin to'p»ni qo'lga kiritish haqida o'ylamaganman. Mundialning eng yaxshi o'yinchisi bo'lganimdan so'ng ushbu sovringa ham erishishim aql bovar qilmas voqeaga aylanardi.
- Nima deb o'ylaysiz, JCh-2002 finalidagi hisob yil o'yinchisini aniqlashda ahamiyat kasb etganmidi? Chempionlikni qo'lga kiritganingizda, sovringa ega chiqarmidingiz?
- Albatta, yuksak ahamiyat kasb etadi. Jahon chempionati, Evro yoki Chempionlar Ligasida chempion bo'lish - jiddiy omil. Shuningdek, urilgan gollar soni ham muhim. Shu bois, Messi va Ronaldu doimo nomzodlar qatoridan o'rin egallashadi. Bu futbolchilarning ishqibozlarga nechog'li ulkan quvonch baxsh etishayotganini unutmaslik darkor. Hattoki, men ham darvozamni qo'riqlash asnosida Zidan singari yulduzlarning o'yinidan zavq olganman. Ular shuning uchun ham sovrinlarga loyiq ko'riladilar.
- Madridda o'tgan taqdirlash marosimi nimasi bilan esda qolgan?
- Yodimda, ispaniyalik OAV vakillari «O'zingizni «Real» libosida tasavvur qila olasizmi?», deb so'rashganida, ularga «Yo'q, axir men jahonning eng yaxshi klubida o'ynayapman» qabilida javob qaytargandim. Men buni shunchaki hazil tariqasida aytgandim. Ammo ular gaplarimni noto'g'ri tushunib, meni takabbur shaxs sifatida ko'rishgandi.
- Hamisha jamoaviylikka urg'u bergansiz. Shuni inobatga olsak, shaxsiy yutuqlar siz uchun qanday ahamiyat kasb etgan?
- Agar «Manchester Yunayted», «Barselona» yoki «Bavariya» singari top klublar safida o'ynamasangiz, nufuzli sovrinlarni qo'lga kiritolmasligingiz aniq. Shunday ekan, hamisha jamoadoshlarimdan minnatdor bo'lganman. Ba'zan qiyin zarbalarni bartaraf etardim, ba'zida esa yigitlar meni qutqarishardi.
- Germaniya termasining muvaffaqiyatini odatda, butun jamoa hisobiga yozishadi. Sizningcha, mazkur holat individual sovrinlar borasida muammo tug'dirmaydimi? Axir yaxlit jamoadan muayyan bir futbolchini ajratib ko'rsatish qiyin-ku!
- Garchi nemislar ajoyib futbolchilarga ega bo'lsalarda, bizda Ronaldu va Messi yo'q. Termada individualistlar (Mario Gyottse va Mesut Ozil), aniq vazifaga ega kamtar o'yinchilar hamda etakchilar o'zaro birikib ketishadi. Bu esa Argentina singari bir futbolchi hisobiga o'yin tashkil etadigan terma jamoalarga qarshi bahslarda muhim ahamiyat kasb etdi. Germaniya termasida hech nima o'z-o'zidan paydo bo'lmaydi, qaysidir modelni yaxshi yoki yomon, deyish fikridan yiroqman. Shunchaki, hamyurtlarimiz so'nggi jahon chempionatida o'ta kuchli jamoaviylik evaziga zafar quchdilar.
- Orzular jamoasi tuzsangiz, darvozaga kimni qo'yardingiz: Manuel Noyernimi yoki Oliver Kanni?
- Qiyin savol. Ularni bir taymdan o'ynatardim. Kimnidir birinchi raqamda ko'rsatmasdim: formasi yaxshi bo'lgan maydonga tushaveradi.
- Sizga qarshi o'ynagan eng kuchli hujumchi?..
- Bu savolga javob berish ham doimo murakkablik tug'diradi. Misol uchun, o'zining jismoniy etukligi va tezligi evaziga yo'q joydan qulay vaziyat yarata oladigan Ronaldoga qarshi o'ynaganman. Shuningdek, maydonda yana bir mahoratli forvard - Terri Anriga to'qnash kelganman. Frantsiyalik hujumchi juda chiroyli o'ynab, raqib jarima maydonida o'zini har tomonlama ko'rsata bilardi. Lekin menga Filippo Inzagi ko'proq tashvish tug'dirgan. Uni payqash qiyin edi, Pipponing maydonda borligi sezilmasdi, shunga qaramay, doimo o'yin oxirida o'z nomini tabloga yozdirib qo'yardi.
- Faoliyatingizni qaytadan boshlash imkoniyati tug'ilsa, nimanidir o'zgartirarmidingiz?
- Potentsial - faoliyatimdagi asosiy omilga aylandi. Yoshligimda unchalik iqtidorli emasdim. Boshqa futbolchilar singari Germaniyaning turli yoshdagi termalarida o'ynamadim. U paytlari akademiyalar yo'q edi, mashg'ulot o'tkazishga har doim ham sharoit topilavermasdi. Shunday ekan, nimanidir o'zgartirmasdim, zero potentsialimni maksimum darajada ishga solganman. «Karlsrue»da yoshlar jamoasidan havaskorlar safiga qo'shildim, keyinchalik esa professional futbolchi sifatida o'ynadim. O'shanda klubimizning UEFA kubogi yarim finalga etib borgani mening omadim edi. Shu orqali «Bavariya» e'tiborini tortdim va sekin-asta milliy terma jamoaga jalb etildim. Faoliyatim bosqichma-bosqich rivojlandi, cho'qqini darhol zabt etmaganim o'zimning foydamga ishladi.
- Butsalaringizni mixga ilganingizdan keyin qanchalik o'zgardingiz? Avvalgidek faolmisiz, mehnatsevarligingiz saqlanib qolganmi?
- Ancha o'zgardim. Albatta, futbolchilik faoliyatimda orttirgan sifatlarim, ayniqsa, maqsad sari kurashish va tartib-intizomga rioya etish keyinchalik menga asqotdi. Avvallari ko'pincha baqirishga to'g'ri kelardi. Ilk murabbiyim Vinfrid Shafer har doim shunday derdi: «Golkiperning maydonda borligini hamma payqashi lozim, u sheriklariga baland ovozda ko'rsatma berishi kerak».
Davomi InterFUTBOL gazetasi blogida.
— deya xabar beradi uff.uz nashri.
Bosh sahifaga
674