Myunxenning "Bavariya" klubi sport direktori Mattias Zammer yana bir marta jamoa bosh murabbiyi Xosep Gvardiolaning keyingi taqdiri borasida gapirib o'tdi. Uning so'zlariga ko'ra, rahbariyat hali Pep bilan uchrashadi va gaplashib olar ekan.
"Gvardiolaning amaldagi shartnomasini cho'zish uchun u bilan hali gaplashib olmadik. Lekin, avval kelishganimzdek, u bilan albatta gaplashib olamiz. Bundesliga birinchi davrasining so'nggi o'yini tugagach, biz Gvardiola bilan muzokaralar stoliga o'tiramiz.
Hozircha, har kim o'ziga foydasi tegadigan gaplarni gapirmapti. Aslida, vaziyat unaqa emas", - deydi Sport1 nashri Zammer so'zlarini keltirib.
Eslatib o'tamiz, Gvardiolaning amaldagi shartnomasi 2016 yilning yozida nihoyasiga etadi. U o'zining taqdiri borasidagi aniq qarorni Rojdestvo bayramigacha aytishini ma'lum qilgan.
— deya xabar beradi uff.uz nashri.