«Manchester Siti» klubi hujumchisi Serxio Aguero umumiy guruhdagi mashg'ulotlarga qo'shildi, deya xabar bermoqda, Goal internet nashri.
Ma'lum bo'lishicha, 27 yoshli hujumchi o'tgan hafta mashg'ulotlarda cheklovlar bilan shug'ullangan edi, biroq endi jarohat uni umuman bezovta qilayotgani yo'q. U noyabrning oxiridan buyon tovonidagi jarohat tufayli maydonga tusha olmayotgan edi.
Argentinalik forvard Angliya chempionatining 17-turidan o'rin olgan «Arsenal» bilan o'yinda ishtirok etishi kutilmoqda. Uchrashuv 21 dekabr kuni Londonda bo'lib o'tadi.
Joriy mavsumda Aguero APLning 10 o'yinida maydonga tushib, 7ta gol urgan.
— deya xabar beradi uff.uz nashri.