FIFA prezidenti Yozef Blatter shu yilning 18 dekabr kuni bo'lib o'tadigan etika qo'mitasining yig'ilishiga bormoqchi ekanini aytib o'tdi. Yig'ilishda u va UEFA prezidenti Mishel Platinining keyingi taqdiriga oydinlik kiritilinadi.
«Albatta, men unda ishtirok etaman. Axir men hech qanday asossiz 90 kunga futboldan chetlatildim. O'zimni himoya qilishim kerak.
Matbuotda ikki xil variant aytilmoqda: futboldan ikki yilga chetlatish va 160 ming Shveytsariya franki yoki butun umrga chetlatish.
Vaziyatga oydinlik kiritishga izn bering: men futboldagi faoliyatim davomida biror marta qonunga zid ish qilmaganman. Men dunyodagi har qanday sudga toza vijdon bilan borishim mumkin», — dedi Blatter.
— deya xabar beradi uff.uz nashri.