O'zbekiston Futbol Federatsiyasi hamda O'zbekiston Professional Futbol Ligasi 16 dekabr kuni Oliy Liga klublari bosh murabbiylari hamda rahbarlari uchun maxsus seminar o'tkazdi.
Seminar kun bo'yi davom etdi. Uning ochilish qismida O'FF birinchi vitse-prezidenti Sardor Raxmatullaev, O'zbekiston Professional Futbol Ligasi bosh direktori Farhod Magometov, O'zbekiston milliy terma jamoasi bosh murabbiyi Samvel Babayan, FIFA va OFK istruktori Islom Ahmedov, O'FF boshqarma boshlig'i Shavkat Imomov, texnik bo'lim boshlig'i Olim Orifov chiqish qildilar.
Seminar dasturidan rivojlanish tendetsiyalari, Jahon Chempionati-2014 tahlili, taktik tendentsiyalar, futbolchilarning psixologik tayyorgarligi borasida o'quv-seminarlar, jismioniy tayyorgarlik kabi nazariy mashg'ulotlar, shuningdek, hujum va himoya, darvozabon, standart vaziyatlarga bag'ishlangan amaliy mashg'ulotlar o'rin olgan edi.
Kun yakunida fikrlar almashinuvi, savol-javoblar hamda xulosalar uchun vaqt ajratildi.
Seminarning nazariy mashg'ulotlari “Paxtakor” stadionining anjumanlar zalida o'tkazildi.
— deya xabar beradi uff.uz nashri.