"Paxtakor" bosh murabbiyi No''mon Hasanov jamoa hujumchisi Igor Sergeev xorijga ketishi haqida savolga javob berib o'tdi.
"Igor masalasida ham hali hech narsa aniq emas. Matbuotda har xil xabarlar tarqayveradi, har doim shunday bo'lib kelgan. Masalan, Sergeev Yaponiyaga ketishi haqida aytishibdi. Biroq bu xabarda asos yo'q.
To'g'ri, hujumchimizga bir qator klublardan qiziqish bo'lgan, ammo hozircha hech birini qabul qilmadik. Klub bu takliflarni ko'rib chiqishda davom etmoqda. Shaxsan o'zim esa bosh murabbiy sifatida Sergeevni tarkibda saqlab qolishni istayman. Bu hujumchi biz uchun juda qadrli. Albatta xorijga ketsa katta tajribaga ega bo'ladi va bu holat terma jamoamiz uchun juda foydali. Ammo men o'z klubim manfaatidan kelib chiqib, Sergeevni jamoada olib qolishni istayman. Juda bo'lmaganda ijaraga ketar.
Bu masalani klub rahbariyati hal qiladi, men oldindan hech narsa deyishni istamayman. Ko'ramiz, vaziyatga qarab ish tutamiz", - deydi Hasanov.
— deya xabar beradi uff.uz nashri.