«Chelsi»ning mag'lubiyatlariga nima sabab bo'lyapti yoxud kim aybdor? Bosh murabbiy Joze Mourinoning talqiniga tayansak, sabablar ham, aybdorlar ham ko'p - shunchaki, omadsizlik, hakamlar va hokazo. Quyida «Benazir»ning alamli mag'lubiyatlardan so'ng bergan izohlari to'plamiga e'tibor qaratamiz.
2 avgust. «Arsenal»-«Chelsi»-1:0 (superkubok o'yini)
- Bugun yaxshi o'ynagan jamoa yutqazdi. Biz faolroq ko'rindik, tashabbusga erishib, o'yinni nazorat qildik. Biroq raqib jamoa o'z darvozasi yonida turib oldiki, gol urishimiz qiyin edi...
16 avgust. «Manchester Siti»-«Chelsi»-3:0 (chempionat)
- Birinchi bo'limning yaxshi jamoasi o'yinni o'z foydasiga hal qildi. Ikkinchi bo'limning yaxshi jamoasi esa... 3:0 hisobi - bu soxtalik. Deylik, «Manchester Siti» yarim himoyasida muammolar ko'zga tashlandi. Aslida raqibimiz bugun o'yinni 9 kishi bo'lib tugatishi kerak edi. Men jamoam ikkinchi bo'limda ko'rsatgan futboldan qoniqish hosil qildim, ammo bu g'alaba uchun etarli bo'lmadi.
29 avgust. «Chelsi»-«Kristal Pelas»-1:2 (chempionat)
- Biz ko'prog'iga loyiq edi, ammo yakunda alamli mag'lubiyatni tan oldik. Hisob 0:0 bo'lib turgan payt hakam penalti belgilamay, qo'pol xatoga yo'l qo'ydi. To'g'ri, natija ko'p jihatdan raqib ko'rsatgan o'yin samarasidir. Harqalay, men «Chelsi» ijrosidagi o'yindan aslo xursand emasman. Jamoaviy harakatlar maydondagi 11 nafar futbolchiga bog'liq. Bugun bizning 11 nafar yigitimiz ham yaxshi o'ynadi, deyolmayman.
12 sentyabr. «Everton»-«Chelsi»-3:1 (chempionat)
- Ijobiy natijani ko'zlab harakat qildik va ko'prog'iga munosib edik. Hozir o'z kuchimizga ishonchimiz pasaygan. Hamma «Chelsi»ga qarshi. Xuddi forvardga munosabat kabi. Agar hammasi yaxshi bo'lsa, u har bir uzatmadan so'ng gol uradi - xoh tirsagi, xoh tizzasi bilan ham. Bordiyu, bir o'xshamasa, ajoyib zarbalar yo'llaydi va to'p darvoza to'sini yoki ustuniga urilib, yana maydonga qaytaveradi. Bu eski tarix...
29 sentyabr. «Portu»-«Chelsi»-2:1 (ChL)
- O'yin to'liq bizning nazoratimiz ostida o'tayotgan pallada o'ta kulguli gol qo'yib yubordik. Umumiy qaraganda, jamoam ancha balanslashgan holda harakat qildi. Ammo ikkita ahmoqona xato tufayli jazolandik.
3 oktyabr. «Chelsi»-«Sautgempton»-1:3 (chempionat)
- Hakamlar «Chelsi» foydasiga qaror chiqarishdan o'lguday cho'chishadi. Aslida bizning futbolchilar va muxlislar yaxshirog'iga haqlilar. Bunday o'yinda penalti muhim edi. Negaki, ayni payt birinchi omadsiz vaziyatdan keyinoq ritmni yo'qotib qo'ymoqdamiz.
24 oktyabr. «Vest Xem»-«Chelsi»-2:1 (chempionat)
Mourino tanaffus payti hakamlar xonasiga kirmoqchi bo'lgani uchun qizil kartochka bilan «siylandi». Yakunda u o'yinga izoh berishdan bosh tortdi.
27 oktyabr. «Stok Siti»-«Chelsi»-1:1, penaltilar bo'yicha - 5:4 (kubok)
- Tajribali raqibga 0:1 hisobida yutqaza turib, bor imkoniyatni ishga soldik. Men ham yordam berishga urindim. Qisqasi, harakat qildik, harakat qildik, harakat qildik... Biroq yakunda shunga yarasha natijaga erisholmadik.
Davomi InterFUTBOL gazetasi blogida.
— deya xabar beradi uff.uz nashri.