Angliya chempionatida birinchi o'rinda borayotgan "Lester" klubi futbolchilar uchun va'da qilgan mukofot pullari ma'lum bo'ldi.
Qiziq tomoni, bu mukofot chempionlik yoki sovrindor o'rinlar emas, balki quyi ligaga tushib ketmaslik uchun beriladi. Unga ko'ra premer ligadagi o'rin saqlab qolingan holatda har bir futbolchi 300 ming funtdan mukofot olishi belgilab qo'yilgan.
Xabar qilinishicha, o'tgan yili "Lester" 14 o'rinni olganida har bir futbolchi 300 ming funt mukofot olgan. Ayni vaqtda esa klub Angliya chempionatida 16 turdan so'ng 35 ochko to'plab peshqadam bo'lib turibdi. Ikkinchi o'rindagi "Arsenal"da 33 ochko bor.
Statistikaga ko'ra premer ligada qolish uchun 40 ochko jamg'arish kifoya qiladi.
— deya xabar beradi uff.uz nashri.