Ayni payt standart vaziyatlarning eng yaxshi ijrochisi kim? Sovsport.ru jahon futboli yulduzlariga e'tibor qaratib, joriy mavsum jarima zarbalarini kim yaxshiroq bajarayotganini aniqlashga urindi. Tabiiyki, bu borada muayyan tushuncha bor.
Oxirgi yillarning tengsiz ikki futbolchisi - Krishtianu Ronaldu va Lionel Messi ko'plab ko'rsatkichlar bo'yicha raqobatdan xolidek. Xususan, jarima zarbalarini tepish masalasida ham ularga teng keladigan futbolchi yo'qdek. Ehtimol, umumiy olganda, aynan shundaydir. Ammo faqat oxirgi mavsumga qarasak, bunday emas. Misol uchun, portugaliyalik futbolchi 8 dekabrgacha barcha turnirlar doirasida bo'lgan o'yinlarda oxirgi 75ta «standart»dan atigi 2ta samarali zarba yo'lladi.
Joriy mavsumda esa dastlabki 20ta urinishidan birorta gol urolmadi. Messi esa tushunarli sabab (jarohat)ga ko'ra, bu mavsum jarima nuqtasiga uncha ko'p yaqinlashmadi. Fakt shuki, u ham hali «standart»dan gol urgani yo'q - 8ta urinishining barchasi besamar ketdi. Frantsiya elit divizionining eng sara yulduzlari - Zlatan Ibragimovich va Matyo Valbuena ham hali jarima zarbalaridan birorta gol hosil qilishmadi. Bu ikki futbolchi zarbalar ijrosi bo'yicha mutlaqo boshqa-boshqa texnikaga tayanadi, ammo hozircha ularda effektlilik bir xil: 11tadan zarba va samara yo'q. Vaholanki, har ikkisi o'yinlarda yaxshi taassurot qoldiryapti va o'z statistikasini tinmay yaxshilab boryapti.
Endi esa ayni payt jarima zarbalarini samarali bajarish masalasida peshqadamlik qilayotgan eng kuchli 5 nafar futbolchini e'tirof etamiz. Bu reytingga mavsum davomida «standart»dan kamida 10 marta zarba yo'llagan ijrochilar kiritilgan. Deylik, «Valensiya» yarim himoyachisi Dani Parexo 7ta urinishdan 2ta gol urgan, ammo u bu ro'yxatdan tashqarida qoldirildi.
5. Hoqon Chalxanoglu («Bayer», yarim himoyachi)
Urinish - 17ta
Gol - 1ta
Foydalanish foizi: 5,8
Germaniyalik turk mavsum-2013|2014dan buyon jarima zarbalaridan to'g'ridan-to'g'ri 11ta gol urdi va bu evrofutbol bo'yicha eng yuqori ko'rsatkichdir. Chalxanoglu aslida hozirgi reytingda ham ancha yuqoriroqda turishi lozim edi. Ammo joriy mavsum naq 17ta urinishdan atigi 1ta jamoani jazoladi, xolos.
4. Kristian Eriksen («Tottenxem», yarim himoyachi)
Urinish - 18ta
Gol - 2ta
Foydalanish foizi: 11,1
- Eriksen - premer-liga bo'yicha jarima zarbalarining eng yaxshi ijrochisi. Bu e'tirof «Suonsi» golkiperi Lukas Fabianskiga tegishli. Daniyalik yigit polshalikning darvozasiga «standart»dan 2ta gol urgach, u shunday fikr bildirdi. Bunga qo'shilish ham, qo'shilmaslik ham mumkin. Harqalay, Kristian joriy mavsum 1ta o'yindagina o'z mahoratini ishga solishni uddaladi. Lekin fakt shuki, daniyalik oxirgi 2 yil davomida jarima zarbalaridan 6 marta samara chiqardi va bu Angliya chempionati bo'yicha eng yaxshi ko'rsatkichdir.
3. Neymar («Barselona», hujumchi)
Urinish - 10ta
Gol - 1ta
Foydalanish foizi: 10
Neymar o'zining jarima zarbasidan urgan yagona golini «Atletiko»ga «sovg'a» qildi. Eng qizig'i, bu Lionel Messining maydonga tushishidan oldin yuz berdi. Argentinalik dahocha Luis Suares o'rnini egallashga shaylanayotgan lahzada «Barselona» jarima zarbasi tepish huquqini qo'lga kiritdi va braziliyalik chetda turgan Messi ko'z o'ngida to'pni darvozaning yuqori burchagiga «joylab» qo'ydi. Ehtimol, Leo maydonga tushishga ulgurganida, zarbani u amalga oshirarmidi?
2. Miralem Pyanich («Roma», yarim himoyachi)
Urinish: 15ta
Gol: 4ta
Foydalanish foizi: 26,6
Bosniyalik futbolchi «standart»lar bo'yicha Junino Pernambukanoni o'z ustozi sifatida aytadi. Vaholanki, u «Lion»da braziliyalik bilan birga o'ynagan emas. Faqat bir yilcha birga shug'ullangan. «Jarimalar qiroli» (albatta, Pernambukano)ning o'zi esa, ayni payt bu borada Pyanich tengsiz ekanligini e'tirof etadi. Umuman olganda, Miralem butun faoliyati davomida jarima zarbalaridan effekt chiqarish bobida hattoki, tan olingan usta Andrea Pirlodan ham yaxshiroq natijaga erishib ulgurdi. Ya'ni u 13 foiz urinishini golga aylantirgan. Pirloda bu ko'rsatkich 12 foizga teng.
Davomi InterFUTBOL gazetasi blogida.

— deya xabar beradi uff.uz nashri.