"Barselona" hujumchisi Luis Suares klublar o'rtasidagi jahon chempionati yarim finalida "Gunchjou Evergrand" darvozasiga uchta gol kiritdi. (3:0 - ikkinchi bo'lim).
Shu tariqa Luis Suares 2000 yilda tashkil etilgan musobaqada xet trik qayd etishga muvaffaq bo'lgan ilk futbolchiga aylandi. Ushbu musobaqaning ilgarigi formatida 1962 yilda "Santos" hujumchisi Pele uchta gol kirita olgan edi.
Shu bilan birga ta'kidlab o'tish lozim, Luis Suares klublar o'rtasidagi JChda gol urishga muvaffaq bo'lgan ilk urugvaylik futbolchi ham bo'ldi. Bunga qadar musobaqada 12 nafar urugvaylik o'ynagan, ammo gol ura olmagan edi.
— deya xabar beradi uff.uz nashri.