Toshkentning "Lokomotiv" klubiga O'zbekiston Chempionati-2015 kumush medallari topshirildi.
“O'zbekiston” mehmonxonasida bo'lib o'tgan taqdirlash marosimida O'FF birinchi Vitse-prezidenti Sardor Rahmatullaev hamda O'zPFL bosh direktori Farhod Magametov "Lokomotiv" klubi futbolchilari va klubning boshqa a'zolariga O'zbekiston Chempionati-2015 kumush medallarini topshirishdi.
Tadbirda shuningdek, klub rahbariyati futbolchilar, murabbiylar va klubi xodimlariga esdalik sovg'alarini topshirdilar.
Ta'kidlash joiz, "Lokomotiv" klubi ketma-ket uchinchi mavsumda O'zbekiston Chempionatining kumush medallarini qo'lga kiritdi. Jamoa shuningdek, amaldagi O'zbekiston Superkubogi sohibi hisoblanadi.
— deya xabar beradi uff.uz nashri.