24-milliy chempionatni oltinchi o'rinda yakunlagan "Olmaliq" 17 dekabrdan navbatdagi futbol mavsumiga tayyorgarlikni boshladi.
Olmaliq shahrida boshlangan o'quv-mashg'ulot yig'ini 28 dekabrga qadar davom etadi. Dastlabki mashg'ulotda jamoa tarkibida 26 nafar futbolchi ishtirok etdi. 2015 yilgi mavsumda jamoamiz sharafini himoya etgan futbolchilardan 14 nafari (Umid Xonimqulov, Temur G'aniev, Akmal Ortiqov, Islom Inomov, Saidkomil Akbarov, Abduqahhor Hojiakbarov, Sahob Jo'raev, Obid Jo'raboev, Azamat Isroilov, Zohir Pirimov, Salamat Qutiboev, Muhammad Isaev, G'ulom O'runov va Islombek Isoqjonov) jamoa ixtiyoriga etib keldi. O'zbekiston U-23 terma jamoasi yig'iniga chaqirilgan Jahongir Abdumo'minov, Diyor Turopov, Doniyor Ismoilov, biroz betobligi sabab Nikita Shkvirin va Nikita Pavlenko mashg'ulotlarda ishtirok etishmadi. Jamoa sharafini himoya etgan Shavkat Salomov va Alisher Shog'ulomov ham Olmaliqqa kelmadi. Jamoaning xorijlik futbolchilari esa yanvar oyidan boshlab tarkibga qo'shilishadi.

— deya xabar beradi uff.uz nashri.