Xabaringiz bor, O'zbekiston olimpiya terma jamoasi 19 – 28 dekabr kunlari Birlashgan Arab Amirliklarining Dubay shahrida ikkinchi o'quv – yig'in jarayonini olib borishi rejalashtirilgan edi.
Ushbu reja doirasida olimpiyachilar bugun Dubayga jo'nab ketdilar. Bu haqida O'FF rasmiy tvitterida xabar berilgan. Kelasi yilning yanvar oyida bo'lib o'tadigan 23 yoshgacha bo'lgan futbolchilar o'rtasidagi Osiyo chempionatiga tayyorgarlik ko'rayotgan O'zbekiston olimpiya terma jamoasi BAAdagi dastlabki yig'inni 2 – 14 dekabr kunlari Ajmanda o'tkazgandi. Yig'in davomida ular “Ajman”ga qarshi o'rtoqlik uchrashuvida yirik — 4:0 hisobida g'alaba qozongan. Yana bir nazorat uchrashuvida Yaponiya olimpiya terma jamoasi bilan 0:0 hisobida durang qayd etilgan.
Ikkinchi yig'in doirasida esa O'zbekiston olimpiya terma jamoasi uchta o'rtoqlik uchrashuvi o'tkazishni rejalashtirgan.
O'rtoqlik uchrashuvlari:
20 dekabr – KXDR
23 dekabr – Suriya
27 dekabr – Qatar
Quyida O'zbekiston olimpiya terma jamoasining navbatdagi yig'iniga chaqirilgan futbolchilar ro'yxatini keltirib o'tamiz
Darvozabonlar: Abdumavlon Abdujalilov (“Neftchi”), Javohir Ilyosov (“Mash'al”), Asilbek Omonov (“Paxtakor”)
Himoyachilar: Sardor Rahmonov (“Neftchi”), Akrom Komilov (“Bunyodkor”), Maksimilian Fomin (“Buxoro”), Javlon Mirabdullaev (“Metallurg”), Abdulloh Olimov (“Paxtakor”) Doston Tursunov (“Neftchi”), Muxsin Ubaydullaev (“Paxtakor”) Vladimir Kozak (“Paxtakor”)
Yarim himoyachilar: Javohir Sohibov (“Paxtakor”), Ikrom Aliboev (“Lokomotiv”), Otabek Shukurov (“Buxoro”), Doniyor Ismoilov (“Olmaliq”), Jamshid Boltaboev (“Paxtakor”), Jamshid Iskanderov (“Paxtakor”), Jahongir Abdumo'minov (“Olmaliq”), Doston Hamdamov (“Bunyodkor”), Jaloliddin Masharipov (“Paxtakor”), Quvondiq Ro'ziev (“Lokomotiv”), Husniddin G'ofurov (“Yavor” - Serbiya), Eldor Shomurodov (“Bunyodkor”)
Hujumchilar: Igor Sergeev (“Paxtakor”), Jasur Hakimov (“So'g'diyona”), Temur Hakimov (“Oqtepa”)
— deya xabar beradi uff.uz nashri.