"Manchester Yunayted" klubi sobiq futbolchisi Shinji Kagava mankunianliklar safida Aleks Fergyuson bilan birga ishlagan davrini esladi.
"Odatda u o'yinga bir kun qolganida mashg'ulotlar o'tkazishni yordamchilariga topshirar edi. Biz bilan esa stadionda yoki mehmonxonada ko'rishardi.
"Yunayted"ga endi o'tgan vaqtlarimdayoq u baqirgan vaqtlarda  "fen"ga o'xshab qolishini eshitgandim. Ochig'i, men ilgari biror murabbiy bu qadar baqirganini ko'rmaganman. U darhaqiqat "fen"ga o'xshardi. U etakchi futbolchilarga shunaqa baqirar ediki, qip qizil bo'lib qolardi.
Birinchi mavsumimda u menga ko'p e'tiroz bildirmadi. Ammo etakchilarga, masalan Runi, Giggz, Skoulz va Rio Ferdinandga juda qattiq baqirardi va bu holat uning kuchini ko'rsatib turardi.
Futbolchilar bunga ko'nikkan edilar va hatto murabbiyga e'tiroz bildirishga ham botina olmas edilar. Aynan shu sababli ular murabbiyni juda hurmat qilishardi. Fergyusonning o'ziga hos salobati bor edi va u ajoyib motivator bo'lgan. Menimcha aynan shu sababli u kuchli futbolchilarni boshqara olgan edi", - deydi Kagava.
— deya xabar beradi uff.uz nashri.