"Valensiya" klubi sobiq darvozaboni Santyago Kanisares murabbiy Joze Mourino "Real"ga qaytishiga shubha qilishini bildirdi.
"Mourino "Real"ga qaytishini tasavvur ham qila olmayman. Uning vaqti o'tdi. Ha, u "Real"da ishlagan vaqtda juda ko'p yomon holatlar ro'y berdi, ammo shu bilan birga murabbiy jamoada ko'p foydali ishlar qilganini ham inkor etib bo'lmaydi.
Hozir "Real" juda horg'in ko'rinmoqda, ammo Mourinoni qaytarish jamoaga foyda keltirmasligi aniq. Ayni vaqtda Benites va futbolchilar o'rtasida o'zaro tushunish yo'q, ammo shu ham Mourino ishlagan vaqtlarga qaraganda yaxshiroqdir.
Menga Mourinoning kalondimog'ligi hech qachon yoqmagan. Uning tabiati bilan esa yaxshilikka umid qilib bo'lmaydi", - deydi Kanisares.
— deya xabar beradi uff.uz nashri.