"Korintians" hujumchisi Aleshandro Pato yana Italiyaga qaytishga yaqin turibdi. Ayni vaqtda 26 yoshli futbolchi Milanda bo'lib turibdi va turli klublar bilan muzokara o'tkazishga tayyorlanmoqda. Bu haqida uning agenti Rikkardo Napolitano xabar berib o'tgan.
"Pato dunyoning eng kuchli hujumchilari safiga qaytishni istaydi. Biz turli klublar bilan muzokara boshlashga shaylanmoqdamiz.
U ko'plab jamoalarda o'ynagan va jarohatlari bilan bog'liq muammolarini hal qilgan. Italiyada unga qiziqish bildirayotgan ikki-uchta klub bor. Ammo hozircha boshqa hech narsa deya olmayman.
Pato qishki transfer mavsumining qahramonlaridan biri bo'ladi", - deydi futbolchining agenti.
— deya xabar beradi uff.uz nashri.