Kievning "Dinamo" klubi sobiq hujumchisi Maksim Shatskix Chempionlar ligasi doirasida "Manchester Siti"ga qarshi kechadigan pley off bosqichi o'yinlari haqida fikrini bildirib o'tdi.
"Bu to'qnashuvda imkoniyatlar ellikka ellik. Hozir bu gapni istalgan odam aytishi mumkin. Chunki hali hech narsa aniq emas. "Dinamo"ning vazifasi esa eng avvalo o'z maydonida bo'ladigan o'yinda gol o'tkazib yubormaslik. 0:0 bo'ladimi, yoki 1:0, hatto 2:0 bo'lsa ajoyib natija bo'lar edi. Shundan so'ng javob o'yiniga bemalol tayyorlansa bo'lar edi.
Bu to'qnashuvda na favorit va na autsayder bor. "Manchester Siti" ham "Dinamo"dan qo'rqadi. Qo'rqqanda ham ancha qo'rqadi, chunki kievliklar EChL guruh bosqichida kuchli raqiblarga qarshi munosib o'ynadilar. Mehmonda "Portu" mag'lub etildi va "Chelsi" bilan ham yaxshi o'yin bo'ldi", - deydi Shatskix.
— deya xabar beradi uff.uz nashri.