Qatar poytaxti Doha shahrida boks bo'yicha o'tkazilayotgan jahon chempionatida O'zbekiston terma jamoasi a'zolari zafarli odimlashda davom etishmoqda.
Hozirgina tajribali bokschimiz Murodjon Axmadaliev ushbu vazn toifasida birinchi raqam ostida saralangan qozog'istonlik Kayrat Eralievni 3:0 hisobida mag'lub etib, muxlisu-mutaxassislar olqishiga sazovor bo'ldi.
Shu tariqa, Murodjon jahon chempionatidagi o'zining ikkinchi jangida ham ishonchli g'alabani qo'lga kiritib, sovrinli o'rinlar uchun odimlashda davom etmoqda.
Endi Murodjon Axmadaliev 10 oktyabr kuni o'tkaziladigan chorak final bahsida tailandlik Chatchay Butdega qarshi ringga ko'tariladi.
Eslatib o'tamiz, ushbu vazn toifasida 1-3 o'rin egalari 2016 yili Rio-de-Janeyro shahri (Braziliya)da o'tkaziladigan XXXI yozgi Olimpiada o'yinlarining yo'llanmasini ham qo'lga kiritadi.
Yana birozdan so'ng yana bir hamyurtimiz Rustam To'laganov (-91 kg) Yangi Zelandiya vakili bilan chorak final yo'llanmasi uchun ringga chiqadi. Shavkat Jalilov
Manzil: O'zbekiston Milliy Olimpiya qo'mitasi matbuot xizmati
— deya xabar beradi uff.uz nashri.