Spiegel nashri tomonidan 2006 yilda Germaniyada bo'lib o'tgan jahon chempionati mezbonligini aniqlash chog'ida korruptsiyaga yo'l qo'yilgani haqida shov-shuvli maqola chop etildi.
Unga ko'ra FIFA vitse prezidenti Jek Uornerga Germaniyaga ovoz berishi uchun pora taklif etilgan. Pora JCh o'yinlari uchun eng qimmat toifadagi 1000 ta chipta ko'rinishida bo'lgan. Mutasaddi chipta savdosidan bir necha yuz ming evro ishlab olish imkoniyatiga ega bo'lgan.
Shu bilan birga JCh mezbonligini aniqlashda korruptsiya ishiga "Bavariya" klubi ham aralashgani aytilmoqda. O'sha vaqtda klub prezidenti Frants Bekkenbauer bo'lgan. Aynan u "Germaniya-2006" qo'mitasini ham boshqargan edi.
Jek Uorner Germaniyaga ovoz bergani uchun minnatdorchilik tarzida "Bavariya"  klubi KONKAKAFga a'zo terma jamoalar bilan birgalikda mashg'ulot o'tash majburiyatini o'ziga olgan.
— deya xabar beradi uff.uz nashri.