Madridning “Real” klubi yarim himoyachisi Denis Cherishev “Marsel” jamoasi rahbariyatining qiziqishlari doirasiga kirgan. Bu haqida AS nashri ma'lumot berdi. Xabar qilinishicha, 24 yoshli futbolchini frantsuz klubi bosh murabbiiyi Michel Gonsalesning shaxsan o'zi tarkibga jalb qilmoqchi va bu masala bo'yicha Cherishev va uning otasi bilan aloqaga chiqqan. Joriy mavsumda Cherishev La Liganing atigi ikkita o'yinida maydonga tushgan. Umumiy hisobda maydonda 33 daqiqa harakatlangan yarim himoyachi hisobida bitta golli uzatma bor.
— deya xabar beradi uff.uz nashri.