Klublar o'rtasida Jahon chempionatining final bahsidan o'rin olgan “Barselona” hamda “River Pleyt” jamoalari o'rtasidagi uchrashuv o'z nihoyasiga etdi. Unda 0:3 hisobi qayd etilib, kataloniyaliklarning g'alabasi bilan yakunlandi. O'yinning dastlabki daqiqalaridanoq “Barsa” tashabbusni o'z qo'liga oldi va 36-daqiqaga kelib, Leo Messi hisobni ochdi. Ikkinchi bo'limning to'rtinchi daqiqasidayoq Suares oradagi farqni ikkita to'pgacha etkazdi. 68-daqiqaga kelib esa yana urugvaylik hujumchining o'zi hisobni yirik ko'rinishga olib keldi. Uchrashuv oxiriga qadar Enrike shogirdlari ortiqcha kuch sarflamay, final hushtagiga qadar 0:3 hisobini saqlab qolishdi. Shu tariqa, “Barselona” – klublar o'rtasida Jahon chempioni! Klublar o'rtasida JCh. Final River Pleyt Argentina – Barselona Ispaniya 0:3 (0:1, 0:2)
Gollar: 0:1 – 36 Messi, 0:2 – 49 Suares, 0:3 – 68 Suares.
River Pleyt – Barovero, Maydana, Vanoni, Merkado, Alvares, Sanches, Kranevitter, Ponsio (Lucho Gonsales, 46), Viudes (Dryussi, 56), Alario, Mora (Martines, 46).
Barselona – Bravo, Pike, Alba, Dani Alves, Buskets, Rakitich (Serdji Roberto, 67), Maskerano (Vermalen, 81), Inesta, Neymar (Mate, 89), Messi, Suares.
Ogohlantirishlar: Kranevitter (10), Alba (16), Ponsio (32), Rakitich (43), Neymar (61), Serdji Roberto (72).
— deya xabar beradi uff.uz nashri.