"Real" bosh murabbiyi Rafael Benites Ispaniya chempionati doirasida "Rayo Valekano"ga qarshi kechgan uchrashuv (10:2) haqida fikrlarini bildirib o'tdi.
"O'yinda uchta muhim vaziyat bo'ldi: bizning birinchi golimiz, "Rayo Valekano" urgan ikki gol va chetlatishlardan so'ng kechgan o'yin.
Tezkor goldan so'ng biz yaxshi o'ynay olmadik, ammo bu qisqa vaqt davom etdi. Shundan so'ng kerak bo'lganidek harakat qila boshladik. Men hakamlar ishiga baho berishni istamayman.
Men muxlislar xushtagini eshitmadim, chunki ichkariga erta kirib ketdim. Biz raqibga tezda javob qaytardik va muxlislar buning uchun xursand bo'lishlari kerak.
Murabbiy sifatida jamoam yaxshi o'ynashiga erishishim lozim. Biz ko'proq gol urishimiz kerak. Biz o'z oldimizga qo'yilgan maqsadga erishishni intilmoqdamiz.
Muxlislar o'yinning qaysidir qismi uchun bizdan norozi bo'lishlari mumkin. Ammo biz gollar va g'alabalar yordamida ularning fikrini o'zgartirishga intilmoqdamiz", - deydi Benites.
Eslatib o'tamiz, uchrashuvda "Rayo Valekano"ning ikki futbolchisi - Tito (14 daqiqa) va Baena (28 daqiqa) chetlatilgan. Garchi "Real" o'z maydonida yirik hisobda g'alabaga erishgan bo'lsa-da, madridlik muxlislar o'z jamoasiga nisbatan xushtak chalib, norozilik bildirgan edi.
— deya xabar beradi uff.uz nashri.