Ispaniya chempionati 16 turida Madridning "Atletiko" klubi safarda "Malaga"dan mag'lubiyatga uchradi.
Uchrashuvda "Malaga" kichik, 1:0 hisobida g'alabaga erishgan va yagona gol 86 daqiqada Sharles tomonidan kiritilgan. Shu tariqa madridliklar Ispaniya chempionatida etakchi bo'lib olish imkonini qo'ldan boy berdilar. Ta'kidlab o'tish lozim, 56 daqiqada Gabi maydondan chetlatilgach, "Atletiko" bir kishi kam bo'lib qolgan.
Eslatib o'tamiz, "Barselona" klublar o'rtasidagi jahon chempionatida ishtirok etgani tufayli ushbu turda maydonga tushmagan va "Atletiko"dan bir o'yin kam o'tkazgani holda teng ochko jamg'arib, qo'shimcha ko'rsatkichlar tufayli birinchi o'rinni saqlab qoldi.
Ispaniya chempionati
16-tur
Malaga – Atletiko 1:0 (0:0, 1:0)
Gol:   1:0 – 86 Sharles.
Malaga – Kameni, Rosales, Albentosa, Veligton, Torres (Santa Krus, 79), Amrabat (Anor, 90), Resio, Kamacho, Xuan Karlos, Chop (Duda, 70), Sharles.
Atletiko – Oblak, Xuanfran, Ximenes, Godin, Filipe Luis, Gabi, Grizmann, Koke, Saul, Ferreyra Karrasko (Tomas, 64), Vetto (Torres, 46).
Ogohlantirishlar:  Filipe Luis (20), Vetto (21), Albentosa (45), Sharles (45), Ferreyra Karrasko (45), Gabi (51), Rosales (74), Tomas (83).
Chetlatish: Gabi (56).

— deya xabar beradi uff.uz nashri.