So'nggi yillarda Osiyoning barcha mamlakatlarida futbolga berilayotgan e'tibor tufayli bugun qit'ada bu sport turi jadal suratlarda rivoj topmoqda. Bu esa jahon futbol ommasining Osiyo tomonlarga ham jiddiy nigoh bilan qarashga majbur etmoqda.
Kecha Yaponiyada klublar o'rtasidagi jahon chempionati nihoyasiga etganidan xabaringiz bor. Ushbu musobaqa nafaqat jahonning eng kuchli klubini, balki qaysi qit'ada futbol qay darajada ekanligini ham aniqlab berdi. Turnirda osiyoning 2ta klubi ishtirok etdi. Joriy mavsumdagi OChL g'olibi Xitoyning “Guanjou Evergrand” jamoasi  rasman Osiyoning eng yaxshisi sifatida musobaqada ishtirok etgan bo'lsa, turnir reglamentiga asosan mezbon mamlakat jamoasi sifatida “Sanfrechche Hirosima” qatnashdi.
Musobaqa boshida Osiyoning 2 jamoasi 3-o'rin uchun bahsda o'zaro maydonga tushadi degan fikrlarga deyarli hech ishonmagan bo'lishi tabiiy. Chunki, odatda bizning qit'a jamoalari amerika, afrika va evropa jamoalariga deyarli qarshilik ko'rsata olishmasdi. Lekin bu safar qit'amiz vakillari butun dunyoga Osiyo futboli yashin tezligida yuqorilayotganini ko'rsatib qo'yishdi. Sal qolsa Yaponiya jamoasi finalda o'ynashi ham mumkin edi. Buni qarangki bu o'yinda omad Janubiy Amerika vakillariga kulib boqdi.
Yapon jamoasining bunga qadar Afrika va Okeaniya mintaqasi jamoalarini mag'lubiyatga uchratgani taqsinga sazavor. Xitoy jamoasi ham musobaqani g'alaba bilan boshladi. Garchi ikkinchi uchrashuvda “Barselona”ga imkoniyatni boy bergan bo'lsalarda, kataloniyaliklarga qarshi anchayin mazmunli o'yin namoyish etdilar. (Xatto finalda o'ynagan Jan.Amerika vakili ham “Barselona”ga nisbatan “Guanjou Evergrand”chalik qarshilik ko'rsata olmaganligini barchamiz guvohi bo'ldik.)  
Ochig'i, 3-o'rin uchun bo'lgan o'yin final bahsidan ko'ra ancha qiziqarli va hafli vaziyatlarga boy bo'ldi. Bevosita uchrashuvni kuzata turib menda fahr tuyg'usi paydo bo'ldi. Chunki bizning qit'adoshlarimiz butun dunyoga futbolimizni qay darajaga etib kelganini isbotlashdi. Osiyo jamoalari bilan ham hisoblashish vaqti kelganini ko'rsatib qo'yishdi. Shu o'rinda bir so'z aytgim keldi, rahmat “Sanfrechche”, rahmat “Guanjou”....
Ba'zi bir muhlislar evropa jamoalarini osiyo klublaridan ancha ustun deb o'ylashadi. Lekin bu musobaqa ko'rsatib qo'ydiki Evropa va Osiyo futboli o'rtasida tafovut deyarli qolmayapti. Agar shu ko'rsatkilar bilan o'sishda davom etsak, yaqin yillar ichida qita'miz  futbol markaziga aylanishi tabiiy.
Shu o'rinda bizning jamoalarga ham xuddi “Guanjou Evergrand” va “Sanfrechche Hirosima” kabi  qit'a sharafini munosib himoya qilish nasib etishini tilab qolaman. B.Toshtemirov
Baxtiyor Toshtemirov blogidan olindi.
— deya xabar beradi uff.uz nashri.