Kecha BAA pro-ligasining 12-tur uchrashuvlari davom ettirildi.
“Bunyodkor”ning Osiyo Chempionlar ligasi “pley-off” bosqichidagi raqibi – Dubayning “Al-Shabab” klubi ushbu tur doirasida “Al-Dafra” jamoasini qabul qildi.
Qiziqarli kechgan uchrashuvda hamyurtimiz Azizbek Haydarov to'p tepayotgan “Al-Shabab” futbolchilari 1:2 hisobidagi alamli mag'lubiyatni qabul qilib oldilar. Mehmonlardan David Barral va Maxete Diopning gollariga “Al-Shabab” Muhammad Jumaning birgina goli bilan javob qaytardi xolos. Uchrashuvning 25 va 64-daqiqalarida mezbonlar vakillari Jo va Karles Vilyanueva bittadan penaltini noaniq bajarishdi.
Shu tariqa, “Al-Shabab” 12 uchrashuvda 5ta g'alaba, 4ta durang va 3ta mag'lubiyat qayd etgan holda, jami 19 ochko bilan musobaqa jadvalining 5-pog'onasida bormoqda.
— deya xabar beradi uff.uz nashri.