FIFA prezidenti sakkiz yil muddatga futbolga oid barcha turdagi faoliyatdan chetlatilgani borasida Lozannadagi Sport arbitraj sudiga murojaat qilishni rejalashtirmoqda.
Eslatib o'tamiz, mutasaddi 2011 yilda UEFA rahbari Mishel Platini hisobiga 2 million shveytsariya franki o'tkazib bergani uchun jazolangan. Blatterning ta'kidlashicha, ushbu mablag' to'lanishiga 1998 yildan to 2002 yilga qadar FIFAga tegishli ishlar bajarilishi uchun og'zaki tarzda kelishilgani sabab bo'lgan.
FIFA etika qo'mitasi bu tushuntirishni qanoatlanarli deb topmadi va har ikki mutasaddini 8 yilga futboldan chetlatdi. Shu bilan birga Blatter va Platini jarimaga tortilgan.
— deya xabar beradi uff.uz nashri.