PFL direktori Farhod Magometov yil yakunlariga bag'ishlangan yig'ilishda "Paxtakor" va "Obod" Oliy ligadan chetlatilishi mumkinligini aytib o'tdi. Mutasaddining ta'kidlashicha, biri qarzdorlik masalasida, ikkinchisi esa litsenziya borasida tezroq muammolarni hal qilishi kerak.
"PFL Ijroqo'm qo'mitasi qaroriga ko'ra “Paxtakor” 29 dekabrga qadar qarzdorlik masalasini hal qilmasa, chempionatdan chetlatiladi. Qolgan jamoalar ham inobatga olishsin, agar bizning talablarimiz bajarilmasa, shunday jazo qo'llaniladi. OFK talablari juda qattiq. Aslida bizga OChLda 4 o'rin berilishiga Iroq klublari litsenziyadan o'ta olmagani sabab bo'lgan edi. Shunday ekan, OFK talablariga hamma klublar muvofiq bo'lishi lozim.
"Obod"ning o'rniga "Dinamo" kelishi mumkin? Biz faqat reglamentga mos tarzda ishlaymiz. Shu o'rinda “Obod” masalasida esa shuni aytishim mumkin, 10 yanvarga qadar klub litsenziyadan o'ta olmasa, demak Oliy ligadan chetlatatiladi. O'rniga kim qatnashadi? "Dinamo"ni tortamiz.
Sport printsiplarimi? Sport printsiplari o'z yo'liga, biz u bilan birga OFK va FIFA talablariga ham mos kelishimiz kerak", - deydi Farhod Magometov.

— deya xabar beradi uff.uz nashri.