Bugun O'zPFL binosida 2016 yilgi oliy liga bahslariga qur'a tashlandi.
Unga ko'ra, Toshkentning "Paxtakor" jamoasi birinchi turni o'z maydonida Andijonning  "Andijon" klubiga qarshi maydonga tushadi.
Oliy Liga klublari vakillari ishtirokidagi yig'ilishda kelasi mavsum o'yinlar taqvimi o'tgan mavsumdagidek qolishi tasdiqlandi. Unga ko'ra, chempionatning dastlabki turida o'zaro o'ynaydigan jamoalar ikkinchi davra o'yinlarini ham o'zaro o'yin bilan boshlaydilar.
Shuningdek, bir mintaqa jamoalari o'z uy o'yinlarini bir turda o'tkazmasligi uchun jamoalar juftliklarga ajratilib chiqildi. Unga ko'ra quyidagi juftliklar tashkil etildi: «Paxtakor»/«Lokomotiv», «Bunyodkor»/«Obod», «Nasaf»/ «Mash'al», «Olmaliq»/«Metallurg», «Navbahor»/«Andijon», «Neftchi» - «Qo'qon-1912».
Bugun bo'lib o'tgan yig'ilishda 2016 yilgi mavsum boshida Superkubok uchrashuvi o'tkaziladigan sana ham e'lon qilindi.
Unga ko'ra, 2015 yilgi mavsumda  chempion bo'lgan jamoa va  2015 yilgi mavsumda  Kubok sohibi Qarshining “Nasaf” jamoalari o'rtasidagi Superkubok uchrashuvi 19 fevral kuni o'tkaziladigan bo'ldi.
Ammo hozircha ushbu uchrashuv qaysi stadionda o'tkazilishi ma'lum emas.
Dastlabki besh turda jamoamiz quyidagi jamoalar bilan maydonda kuch sinashadi.
1-tur (5-6 mart)
«Paxtakor» – «Andijon»
2-tur (11-12 mart)
«Paxtakor» – «Qo'qon-1912»
3-tur
«Buxoro» – «Paxtakor»
4-tur
«Paxtakor» – «Nasaf»
5-tur
«Qizilqum» – «Paxtakor»
— deya xabar beradi uff.uz nashri.