FIFA bosh kotibi Jerom Valk tashkilotdagi korruptsiya bilan bog'liq mashmashalarga aloqidorligi tufayli umrbod futboldan chetlatilishi mumkin. Bloomberg nashrining ma'lumotiga ko'ra, tergov ishlarini olib borayotgan shaxslar FIFAning etika bo'yicha qo'mitasiga 100dan ortiq sahifadan iborat hujjatlarni taqdim etgan. Unga ko'ra 55 yoshli frantsiyalik amaldor bir necha bosh tashkilotning ahloq kodekslarini buzgani qayd etilgan. Ta'kidlanishicha, agar FIFA arbitraj palatasi ayblovlar chindan ham o'rinli deb topsa, Valk umrbod futboldan chetlatilishi mumkin. Avvalroq, Valk 90 kunga ishidan ozod etilgandi. Eslatib o'tamiz, yaqindagina FIFA prezidenti Yozef Blatter va UEFA rahbari Mishel Platini 8 yil muddatga futbol bilan bog'liq har qanday faoliyat turidan chetlatilgandilar.
— deya xabar beradi uff.uz nashri.