A'zam Sherg'oziev murabbiyligi ostida shug'ullanayotgan yoshlar jamoamiz ham mashg'ulotlarga kirishgan.
Joriy mavsumda 4-o'rinni band etgan yoshlarimiz 16 dekabrdan Olmaliq shahrida tayyorgarlikni boshladi. Jamoa tarkibida hozircha mahalliy futbolchilar mashg'ulotlarda qatnashishmoqda. O'tgan haftada yoshlarimiz dastlabki nazorat o'yinini o'tkazishdi. Chirchiq olimpiya zaxiralari kolleji jamoasi Olmaliqqa tashrif buyurdi. Uchrashuvda jamoamiz yoshlari raqib darvozasiga javobsiz 10 ta to'p kiritishdi. Ko'rikdan o'tishni xohlayotgan yoshlar ko'pligi sababli jamoamiz navbatdagi nazorat o'yini tashkil etadi. Uchrashuv oliy liga debyutanti Toshkent shahrining "Obod" jamoasi yoshlariga qarshi bo'lib o'tadi. Bu bahs ertaga 24 noyabr kuni "Obod" stadionida tashkillashtiriladi. O'yin 12-00da boshlanadi.

— deya xabar beradi uff.uz nashri.