“Lester” klubi hujumchisi Jeymi Vardi “Chelsi” jamoasi rahbariyatining qiziqishlari doirasiga kirgan. The Telegraph nashrining ma'lumotiga ko'ra, londonliklar 30 million funtga baholanayotgan 28 yoshli Angliya terma jamoasi a'zosini qishki transferlar mavsumi vaqtida xarid qilishni rejalashtirishgan. Manbada aytilishicha, “Lester” Vardi bilan xayrlashmoqchi emas va u bilan shartnomani yaxshilangan shartlarda uzaytirishga tayyor. Ta'kidlanishicha, “Chelsi”dan tashqari “Manchester Siti” ham hujumchi bilan qiziqmoqda, ammo “shaharliklar” to'purar Serxio Aguero yana jarohat olsagina Vardini xarid qilishga urinib ko'radilar. Joriy mavsumda Vardi APLning 17ta o'yinida maydonga tushib, 15ta gol hamda 4ta golli uzatmaga mualliflik qilgan.
— deya xabar beradi uff.uz nashri.