kunlari oralig'ida tashkil etiladigan ushbu qit'a birinchiligi jahon chempionatiga yo'llanma berishi bilan ahamiyatli. Osiyo chempionati yakunida kuchli beshlikdan joy oladigan jamoalarga kelasi yilning kuzida Kolumbiyaning Bogota shahrida bo'lib o'tadigan jahon chempionati yo'llanmalari taqdim etiladi. Shu paytgacha futzal terma jamoamizga mundialda ishtirok etish nasib qilmagan. Demak, bu orzuni amalga oshirish uchun juda qulay fursat va vaziyat yuzaga kelgan. Shuni inobatga olgan holda, ya'ni Osiyo chempionatiga puxta tayyorgarlik ko'rish maqsadida oliy ligada uzoq muddatli tanaffus e'lon qilindi.
Terma jamoaga nomzod futzalchilar 2-3ta klubda o'ynashadi. Qolgan 7-8ta jamoa esa endi faqat mashg'ulot o'tkazish bilan cheklanadi. Terma jamoa asosini «Ardus» va «Olmaliq» futzalchilari tashkil qilishadi. Bu klublardan terma jamoaga chaqiruv olganlar shundoq ham yuqori tayyorgarlikka ega bo'lishadi. Fevralgacha o'tkaziladigan o'rtoqlik uchrashuvlari, qit'a chempionatidagi rasmiy o'yinlarda futzalchilarga sport tilida aytganda, «tonus» ta'minlanadi. Taxminan mart oyi o'rtalariga boribgina oliy liga o'yinlari davom ettirilishini inobatga olsak, amaliyotisiz qoladigan jamoa­lar qiynalishlari turgan gap. Zero, o'rtoqlik uchrashuvlari tashkil etish uchun variantlar juda kam. To'g'ri, chempionatni qurbon qilish evaziga jahon chempionatiga chiqib olsak, bundan hech kim ortiqcha ranjimasa kerak.
Boshqa tomondan, terma jamoaning kuchayishi chempionat saviyasiga bog'liq. Aytish mumkinki, o'tgan yillarga qaraganda, bu mavsum oliy liga saviyasida o'sish ko'zga tashlanyapti. Buni turnir jadvaliga nazar tashlash orqali ham bilish mumkin. Yodingizdami, 1-turning markaziy uchrashuvida «Ardus» hamda amaldagi chempion - «Olmaliq» jamoalari to'qnash kelishgandi. O'shanda olmaliqlik futzalchilar 3:0 hisobida zafar quchishgandi. Ha, Aleksandr Petrov shogirdlari O'zbekiston chempioni sanalishadi.
Lekin terma jamoa tarkibida «Olmaliq»qa nisbatan «Ardus»dan o'yinchilar ko'proq. Milliy jamoa bosh murabbiyi ispaniyalik Xose Mariya Mendez bir vaqtning o'zida aynan «Ardus» klubiga ustozlik qilyapti. Shunga qaramay, «Olmaliq» o'shanda kuchli ekanligini isbotlagandi. Lekin keyinchalik o'zi ham ikki bora mag'lubiyat alamini totib ko'rib, turnir jadvalidagi peshqadamlikni «Ardus»­ga topshirib qo'ydi. Toshkent viloyati jamoasi avvaliga «Do'stlik-AIN», keyin «Nafis»ga imkoniyatni boy berdi. O'z o'rnida, «Do'stlik-AIN» ham «Olmaliq« kabi chempionatda 2 marta parketni boshi egik holda tark etdi. Qarshilik futzalchilar ikkala o'yinda ham «Ardus»dan engilishdi.
Davomi InterFUTBOL gazetasi blogida.
— deya xabar beradi uff.uz nashri.