Xalqaro paralimpiya qo'mitasining qaroriga ko'ra 2016 yilning 7-18 sentyabr kunlari Braziliyaning Rio-de-Janeyro shahrida o'tkaziladigan XV yozgi Paralimpiya o'yinlarida ishtirok etish uchun O'zbekiston Milliy Paralimpiya Assotsiatsiyasiga ikkita yo'llanma berildi.
Shu tariqa, mamlakatimiz sportchilari tomonidan XV yozgi Paralimpiya o'yinlariga qo'lga kiritilgan yo'llanmalar soni 24taga etdi. Mardonavor sportchilarimiz bugungi kunga kelib dzyudo, suzish, engil atletika, o'q otish va pauerlifting kabi sport turlari bo'yicha yo'llanmalarga egalar.
Eslatib o'tamiz, 2012 yili London shahri (Buyuk Britaniya)da o'tkazilgan XIV yozgi Paralimpiya o'yinlarida jami 10 nafar sportchimiz ishtirok etgan edi. Qo'lga kiritilayotgan yo'llanmalar sonini keskin darajada ortib borayotganligi ham mamlakatimizda Paralimpiya xarakati yildan-yilga taraqqiy etib borayotganligidan dalolat beradi. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.