BT Sport murabbiydan iste'foga chiqishidan oldin intervyu olgan ekan. Lekin suhbat Abramovichning qarori e'lon qilinganidan keyingina efirga uzatildi. Xo'sh, Joze nima deyishni xohlagandi?
O'zi ishlagan klublar haqida
- Men doimo ishga borimni beraman, ba'zan bunda me'yorni ham unutaman. Gohida ehtirosga qattiq berilib ketishim mumkin, ammo hamma joyda o'zligimni saqlab qolganman. Faqat «Chelsi»da ikki muddat ishladim. Umuman, men yana qaytishni istagan yagona klub shu. Faoliyatimda «Inter» ham alohida o'rin tutadi, «Portu»ni esa menga yo'l ochgan jamoa sifatida hech qachon unutmayman. Albatta, «Real Madrid»dek grandga ustozlik qilganim ham katta g'urur bag'ishlaydi.
Futbolchilardan nima istashi haqida
- Shaxsiy fikrimcha, shogirdlarimga men bilan birga ishlash yoqishi shart. Ular o'zlari bilan ish yuritganlar orasida eng yaxshi murabbiy ekanligimni tushunishlari zarur. O'ylaymanki, bu juda muhim. Shaxs sifatida kimgadir yoqishim yoki yoqmasligim mumkin - bu ikkinchi masala. Asosiysi esa, futbolchilar menga qarab, ro'paralarida o'z ishining bilimdoni turganini his etishlari kerak. Men doim oldimga bajarib bo'lmas vazifalarni qo'yaman va futbolchilardan ham xuddi shuni talab qilaman: «Hattoki, imkoni yo'q bo'lsa ham, biz har bir o'yinda g'alaba qozonishimiz shart». Ular bu vazifa ilojsiz ekanligini yaxshi tushunishadi, mana, joriy mavsumga qarang. Ammo o'ylaymanki, har bir o'yin va turnirga ayni shunday kayfiyatda yondashish lozim. G'alaba qozonishni xohlash va doimo bunday qilish mumkinligini bilish - eng muhimi shu.
Joriy mavsum nima ro'y berdi? Bu g'oyat foydali tajriba. Ehtimol, omadsizlik men bilan biroz kechroq sodir bo'lgandir. Agarda murabbiylik yo'limning boshida shunday muammoga yo'liqqanimda edi, balki faoliyatim yanada yorqinroq davom etarmidi? Umuman, oxirgi natijalar va omadsizliklar bahonasida ham o'z haqimda, ham futbolchilar xususida ko'p narsalarni bilib oldim.
Davomi InterFUTBOL gazetasi blogida.
— deya xabar beradi uff.uz nashri.