«Balbaolik qassob», «Hayvon», «Karkidon» - bu kabi laqablar futbol tarixidagi eng «yovuz» o'yinchilarga berilgan. Navbatdagi fotojamlanma (manba: Shampionat.com) aynan shunday qahri qattiq futbolchilardan tuzilgan.
10. Diego Kosta
Hattoki, «Chelsi» muxlislari ham asli braziliyalik hujumchining xatti-harakatlaridan charchashdi. U esa o'xshovsiz «hunari»ni tashlamayapti. «Maydonda o'zimni tutish uslubimni o'zgartirmoqchi emasman»,-dedi yaqinda Kostaning o'zi.
9. PEPE
«Real» himoyachisi xalq orasida «Hayvon» laqabi bilan ham mashhur. Ha, portugaliyalik futbolchining maydonda gohida aql bovar qilmas darajada «quturgani»ga ko'p guvoh bo'lganmiz.
8. Jennaro GATTUZO
«Milan»ning sobiq yarim himoyachisi jahonning eng yaxshi futbolchilari ro'yxatiga ko'p marta kirgan. Ammo shuning barobarida tajovuzkor harakatlari va rahmsizligi bilan ham ajralib turgan hamda haqli ravishda «Karkidon» laqabini olgan.
7. Li KATTERMOL
Bu futbolchi APLning o'tgan mavsumida 25ta o'yinda ishtirok etib, 1ta gol urdi va 14ta (!) sariq kartochka «to'pladi». To'g'ri, qo'polligiga qaramay, «Sanderlend»da uni nihoyatda qadrlashadi.
6. Patrik VIEYRA
Tajovuzkor o'yin frantsiyalik beqiyos futbolchining o'ziga xos «tashrif qog'ozchasi» edi. U maydonda hech kimga yon berishni istamasdi. Hattoki, o'zi kabi etakchi Roy Kinga ham.
5. Joui BARTON
Ogohlantirish, chetlatish, tartib-intizom chorasi - angliyalikni hech narsa o'z odatidan qaytarolmasdi. Mast holda janjal ko'tarish, fanatni kaltaklash, jamoadoshi bilan mushtlashish - bular Bartonning ayrim «jasorat»lari, xolos.
4. Roy KIN
«MYu»ning sobiq sardori - irlandiyalik Roy Kin nafaqat Angliya kubogi finalida ko'p o'ynash, balki APLda ko'p qizil kartochka olish bo'yicha ham rekordchidir. Albatta, bejiz emas - barchasi uning og'ir tabiatidan dalolat.
Davomi InterFUTBOL gazetasi blogida.
— deya xabar beradi uff.uz nashri.