Yaxshi bilasiz, bu yil Oliy ligaga Toshkentdan yana bir klub - "Obod" yo'llanmani qo'lga kiritdi. Ushbu klub Birinchi ligada ajoyib o'yinlar ko'rsatib, muxlislarning e'tirofiga sazovor bo'lgani hech kimga sir emas.
Mana endi, jamoa Oliy ligada to'p suradi. Klub rahbariyatiga yaqin manbalardan olgan xabarlarga qaraganda, "Obod" yangi mavsumga bir qator yosh kuchli futbolchilar bilan tarkibni shakllantiradi va aynan ularga bor e'tibor qaratadi.
Yaqin orada jamoa tarkibida bir qator o'zbekistonlik ishqibozlarga tanish bo'lgan nomlarni ko'rishimiz mumkin.
Darvoqe, klub uy o'yinlarini "JAR" stadionida o'tkazadigan bo'ldi. Oldinda rejalar ulkan, jamoaga taniqli mutaxassislar ham jalb qilinishi kutilmoqda.
Biz ham Toshkentning yangi vakili "Obod" jamoasining kelgusi ishlarida omad tilab qolamiz.
— deya xabar beradi uff.uz nashri.