“Napoli” jamoasi hujumchisi Gonsalo Iguain Myunxenning “Bavariya” klubi rahbariyatining qiziqishlari doirasiga kirgan. Bu haqida Sport1 portali ma'lumot berdi. Nemis klubi so'nggi paytlarda Robert Levandovskiga qiziqishlarning ortgani tufayli, e'tiborini argentinalik futbolchiga qaratgan. Manbada aytilishicha, myunxenliklar agar Levandovskidan mahrum bo'lishsa, o'rniga Iguainni xarid qiladilar. Aytish joizki, Madridning “Real”, Parijning “PSJ” hamda “Manchester Yunayted” jamoalari polshalik to'purarga da'vogarlik qilishmoqda. Biroq, yozda “Bavariya” boshqaruvini o'z qo'liga oladigan Karlo Anchelotti klub rahbariyatidan hech kimni sotmaslikni so'ragan.
— deya xabar beradi uff.uz nashri.