Turinning “Yuventus” klubi rahbariyati hamon Dortmundning “Borussiya” jamoasi yarim himoyachisi Ilkay Gyundoganga jiddiy tarzda qiziqmoqda. Klublar bu borada muzokaralar o'tkazishgan va ularda italyan klubi bosh direktori Beppe Marottaning shaxsan o'zi ishtirok etgan. Shunday bo'lsada, “Borussiya” 25 yoshli xavbek bilan xayrlashmoqchi emas va jamoa bosh murabbiyi Tomas Tuxelning so'zi hal qiluvchi ahamiyat kasb etadi. Joriy mavsumda Gyundogan Germaniya chempionatining 17ta o'yinida maydonga tushib, bitta golli uzatmaga mualliflik qilgan.
— deya xabar beradi uff.uz nashri.