"Barselona" hujumchisi Neymar «Manchester Siti» klubi qiziqish doirasida bo'lib turibdi.
«Manchester Siti»ni yozda Xosep Gvardiola qabul qilib olishi kutilmoqda. "Bavariya"ning ayni vaqtdagi ustozi "shaharliklar" boshqaruviga o'tsa, Neymarni olib kelishni rejalashtirgan.
Xabar qilinishicha, «Manchester Siti» Neymar uchun "Barselona"ga 190 million evro to'lashga tayyor. Aynan shuncha mablag' hujumchining shartnomasida ko'rsatilgan.
Eslatib o'tamiz, o'tgan yozda Neymarni "Manchester Yunayted" sotib olishga urinib ko'rgan edi. Braziliyalik hujumchi Ispaniya chempionatida 13 o'yinda 14 ta gol kiritgan va 6 ta golli uzatmaga mualliflik qilgan.
— deya xabar beradi uff.uz nashri.