"Chelsi" bosh murabbiyi Gus Xiddink nima sababdan "Uotford"ga qarshi kechgan bahsda (2:2) Fabregasni zaxiraga olgani haqida gapirib o'tdi.
"Nima uchun tanaffusda Fabregasni o'yindan olib tashladim? Menga o'yinimiz yoqdi, ammo muvozanatni yo'qotib qo'ymaslik uchun Fabregasni maydondan oldim. U bor vaqtda o'yinimiz hujumga ko'proq asoslanayotgan edi.
Ijodkor futbolchilar tarkibda borligi shubhasiz foydali, ammo ba'zan bizga Mikel kabi futbolchilar keltiradigan muvozanat ham kerak. Matich, Oskar, Villian va Sesk kabi mahoratli futbolchilar bor vaqtda ba'zan barqaror o'yin uslubini ham tanlash kerak bo'ladi", - deydi Xiddink.
— deya xabar beradi uff.uz nashri.