“Sassuolo” jamoasi hujumchisi Domeniko Berardi “Tottenxem” klubi rahbariyatining qiziqishlari doirasiga kirgan. Bu haqida La Gazzetta dello Sport nashri xabar berdi. Manbada aytilishicha, London klubi 21 yoshli italiyalik futbolchi uchun 34 million evro taklif qilgan. Berardiga shuningdek “Yuventus” jamoasi ham da'vogarlik qilmoqda. italyan klublari o'rtasida kelishuvga ko'ra “Yuventus” 2016 yilning yozida Berardini 18 million evroga sotib olish huquqiga ega. 2017 yilning yozida bu qiymat 25 million evroni tashkil qilishi mumkin. Eslatib o'tamiz, Domeniko Berardi “Sassuolo”da o'zining to'rtinchi mavsumini o'tkazmoqda. Shu paytagacha u Italiya A Seriyasining 108ta o'yinida maydonga tushib, 44ta gol hamda 20ta golli uzatmaga mualliflik qilgan.
— deya xabar beradi uff.uz nashri.