“Manchester Yunayted” klubi rahbariyati bosh murabbiy Lui van Galni shu haftadayoq iste'foga chiqarmoqchi. The Telegraph nashrining ma'lumotiga ko'ra, gollandiyalik mutaxassis “Chelsi”ga qarshi o'yin natijasidan qat'iy nazar ishidan ozod etiladi. Avvalroq, van Gal yaqin ikki uchrashuvdan bittasida mag'lub bo'lsa ham, ishidan mahrum bo'lishi ma'lum bo'lgandi. Aytish joizki, “MYu” EChLni inobatga olganda, ketma-ket to'rtta o'yinda mag'lub bo'ldi. Shu tariqa, “qizil iblislar” 54 yillik antirekordni takrorlashdi. Ayni damda “MYu” Angliya Premer-ligasi musobaqa jadvalida 29 ochko bilan 6-o'rinni egallab turibdi.
— deya xabar beradi uff.uz nashri.