Tailand poytaxti Bangkok shahrida suv sporti turlari bo'yicha o'smir-yoshlar o'rtasida Osiyo chempionati o'tkazildi. Sakkizinchi bor tashkil etilgan mazkur qit'a chempionatida muvaffaqiyatli ishtirok etgan mamlakatimiz sportchilari jami 9 ta kumush va 15 ta bronza medaliga sazovor bo'ldilar.
Jumladan, suzish musobaqalarida Aleksey Tarasenko, Artyom Kozlyuk, Nurullo G'ulomqodirov va Muzaffar Tursunxo'jaevlardan iborat sportchilarimiz 4x100 m. masofaga o'tkazilgan erkin usulda suzish bahslarida kumush, 4x200 m. masofaga erkin usulda bo'lib o'tgan musobaqada esa bronza medaliga sazovor bo'ldilar. Yana uchta bronza medaliga Aleksey Tarasenko 50 m., 100 m., va 200 m. masofaga erkin usulda suzish bahslarida sazovor bo'ldi.
— deya xabar beradi uff.uz nashri.