"Barselona" bilan shartnomasi bekor qilingan Serxi Gvardiola tvitterida yozilgan gaplar uchun uzr so'radi. Eslatib o'tamiz, 24 yoshli futbolchining "Barselona" bilan shartnomasi atigi 7 soat amalda bo'lgan. Uning tvitteridan Kataloniya va "Barselona"ni haqorat qiluvchi so'zlar topilgach, futbolchining shartnomasi bekor qilingan.
"Barselona" va butun Kataloniyadan uzr so'rayman, men xatoga yo'l qo'ydim. Ammo bu tvitlarni men yozmaganman, bu anglashilmovchilik. Ular 2013 yilda paydo bo'lgan ekan va men bu haqida hatto bilmaganman.
Uni kimdir mening profilimga yozib qo'ygan. Men ming bor uzr so'rayman, bu men uchun ajoyib dars bo'ldi.
Agarda "Barselona" rahbariyati o'rnida bo'lganimda, men ham shunday yo'l tutgan bo'lardim", - deydi Gvardiola.
— deya xabar beradi uff.uz nashri.