"Goverla" klubi sobiq hujumchisi Maksim Shatskix jamoadan bir yarim yillik maoshini olmaganini aytib o'tdi.
"Goverla" qarzlarini to'ladimi? Yo'q, jamoadan ketganimdan buyon menga hech qanday pul to'lashmadi. Hatto bu haqida gap ham bo'lgani yo'q. Klub menga tahminan bir yarim yillik maoshimni bermagan.
"Goverla" rahbariyati bilan gaplashishga urinib ko'rdimmi? Bundan qanday ma'no bor? Ularga 20 ta SMS-xabar yuborishim mumkin, bittasiga javob berishsa ham katta gap. Hozir hatto hech narsa va'da ham qilmay qo'yishdi.
Bir oycha oldin Ukraina futbol federatsiyasiga murojaat qilgan edim. Ko'ramiz, ular nima deyisharkan. Ammo "Goverla" birdaniga hech bo'lmaganda qarzlarning yarmini to'lashiga ham shubha qilaman", - deydi Shatskix.
Eslatib o'tamiz, Shatskix o'tgan mavsum "Rux" havaskorlar klubi tarkibida Lvov viloyati chempionligini qo'lga kiritgan edi.
— deya xabar beradi uff.uz nashri.