“Qo'qon-1912” jamoasi Aybek Nurboev bilan ham shartnoma imzolanishi deyarli 100 foiz aniq bo'lgan edi. Biroq so'nggi pallada jamoa rahbarlari va futbolchi o'rtasidagi shartnoma imzolanmay qoldi. Shunga qaramay himoyachi jamoani tark etmagan. Nurboev jamoaning birinchi yig'inida to'liq ishtirok etdi. Aybek kuni kecha bo'lib o'tgan yil yakunlariga bag'ishlangan bayram tadbirida ham jamoa a'zolari bilan birga bo'ldi va rahbariyat tomonidan o'tgan mavsumdagi ishtiroki uchun munosib taqdirlandi. Endilikda Aybek Nurboevning jamoa bilan shartnoma imzolashi yoki imzolamasligi 4 yanvardan Toshkent shahrida boshlanadigan yig'in davomida aniq bo'ladi.
— deya xabar beradi uff.uz nashri.