Myunxenning ”Bavariya” jamoasi bosh murabbiyi Xosep Gvardiola yarim himoyachisi Tiago Alkantara kelajakda ham u bilan birgalikda ishlashni istamoqda. Bu haqida El Mundo Deportivo nashri xabar berdi. Gvardiola katta ehtimol bilan “Manchester Siti” klubini boshqaradi, biroq, hozircha bu haqida rasman e'lon qilingani yo'q. Shunga qaramay, manbada aytilishicha, Gvardiola Alkantarani o'zi bilan birga “Manchester Siti”ga olib ketmoqchi va uning atrofida jamoani shakllantirmoqchi. Avvalroq, Alkantaraning o'zi kelajagi Gvardiola kelajagiga bog'liq emasligini aytgandi.
— deya xabar beradi uff.uz nashri.