"Chelsi" klubi quyi ligaga tushib ketgan taqdirda, futbolchilar katta maosh olishda davom etadilar. Aynan mana shu holat londonliklar rahbariyatini tashvishga solmoqda.
Xabar qilinishicha, Angliya Premer ligasidagi aksariyat grand klublar, xususan "Manchester Siti" va "Tottenxem" o'z futbolchilari bilan shartnoma imzolaganda quyi ligaga tushib ketgan taqdirda maoshlari kamaytirilishi haqida band kiritishgan. Ammo "Chelsi" rahbariyati bunday yo'l tutmagan.
Eslatib o'tamiz, birinchi davradan so'ng "Chelsi" 14 o'rinda bormoqda va quyi ligaga tushib ketadigan o'rindan uch ochkogina farq ajratib turibdi.

— deya xabar beradi uff.uz nashri.