"Liverpul" klubi yangi bosh murabbiyi Yurgen Klopp ish uslubi haqida fikrlarini bildirib o'tdi.
"Men bu erda jamoa kelajagiga ishonganim uchun ish boshladim. Aynan hozir biz dunyoning eng kuchli klubi emasmiz, ammo yaqin kelajakda shunday bo'lishni istaymiz.
Muammolar bor va ularni darhol hal qilish shart. Bizda yaxshi himoyachilar, yarim himoyachilar va hujumchilar bor. Birinchi o'yinimiz "Tottenxem"ga qarshi kechadi va jamoani bu o'yinga tayyorlash lozim. Menga bu futbolchilar bilan ishlash yoqadi.
Qanday futbol uslubini ma'qul ko'raman? Yovvoyi futbolni.
Hozir dunyo darajasidagi klublar to'pni nazorat qilishga asoslanadilar. Ammo hech kim to'pni nazorat qila oladigan jamoa shakllantirishdan ish boshlashni istamaydi. Birinchi navbatda biz barqaror himoyani shakllantirishimiz lozim. Keling, mag'lub etish qiyin bo'lgan jamoa tashkil etaylik", - deydi Klopp.
— deya xabar beradi uff.uz nashri.